ԵՐԵՎԱՆ, 28 մարտի — Sputnik. Երևան-Բրյանսկ ավտոբուսային ուղևորափոխադրման ուղղության մասին համաձայնագիրը ստորագրվել է Հայաստանի և Ռուսաստանի տրանսպորտի նախարարությունների աշխատակիցների հանդիպման ընթացքում, հաղորդում է Advis.ru:
Բանակցությունների ընթացքում կողմերը քննարկել են միջազգային ավտոմոբիլային տրանսպորտի ոլորտում համագործակցության խնդիրներ:
Հայկական պատվիրակությունը ղեկավարում էր Տրանսպորտի Կապի և Տեղեկատվական տեխնոլոգիաների նախարարության Տեխնիկական քաղաքականության բաժին պետ Արման Կարապետյանը, ռուսականը՝ Ճանապարհային եւ քաղաքային տրանսպորտի նախարարության տրանսպորտի վարչության տնօրենի տեղակալ Շիրուխան Գաջիմուրադով:
Բանակցությունների ընթացքում հայկական և ռուսական կողմերը համաձայնության են եկել նաև Երևան-Մոսկվա ավտոբուսային ուղևորափոխադրման մասին: Հայկական կողմը մրցույթ է անցկացրել՝ Երևան-Բրյանսկ ավտոբուսային ուղևորափոխադրման իրականացնողին ընտրելու համար:
