Фон для радио  - Sputnik Արմենիա
ՌԱԴԻՈ

Զորամասերը կապահովվեն տաք ջրով, զինվորները կլողանան ամեն օր

© Sputnik / Asatur YesayantsВиген Саргсян
Виген Саргсян - Sputnik Արմենիա
Բաժանորդագրվեք
НовостиTelegram
Պաշտպանության նախարարությունն առաջիկայում նախատեսում է աուդիտի ենթարկել ՀՀ ԶՈՒ էներգետիկ համակարգերը: Այս մասին հայտարարել է պաշտպանության նախարար Վիգեն Սարգսյանը՝ հավելելով, որ արդյունքում հայ զինվորն ամեն օր լողանալու հնարավորություն կունենա:
Վիգեն Սարգսյան

Հայաստանյան զորամասերից շատերն այսօր ապահովված չեն ջեռուցման համակարգերով, անգամ խոհանոցում տաք ջուրը տաքացնում են կաթսաներով: «Ռազմահայրենասիրական դաստիարակության ու պաշտպանության ոլորտի հասարակական կազմակերպությունների համաժողովում, անդրադառնալով զինվորների հիգիենայի հետ կապված խնդիրներին, հայտարարել է ՀՀ պաշտպանության նախարար Վիգեն Սարգսյանը:

«Մենք ունենք բազմաթիվ զորամասեր, որտեղ խոհանոցում չկա հոսող տաք ջուր: Ջուրը տաքացնում են կաթսաներով և օգտագործում խոհանոցում: Դա անընդունելի է: Անընդունելի է, որ զինվորը չկարողանա իր համազգեստը գոնե շաբաթը մեկ անգամ իր ձեռքով լվանա»,- ասել է նախարարը:

Վիգեն Սարգսյանը չի հերքել, որ այս պայմաններում զինվորները ստիպված են լինում շաբաթը մեկ անգամ լողանալ:

Հարցի լուծման նպատակով ՀՀ պաշտպանության նախարարությունը ծրագրում է ՀՀ ԶՈՒ-ում էներգետիկ աուդիտ իրականացնել՝ գնահատելով բանակի իրական կարիքներն այս բնագավառում և որպես հարցի լուծում զորամասերում ներդնել վերականգնվող էներգիայի համակարգեր: Նախարարի խոսքով` դա թույլ կտա կրճատել բանակի անհարկի ծախսերն ու լուծել զինծառայողների հիգիենայի հետ կապված խնդիրները:

Լրահոս
0