ԵՐԵՎԱՆ, 30 մարտի — Sputnik. «Եվրատեսիլ» մրցույթում Հայաստանը ներկայացնող Արծվիկ Հարությունյանի մարտահրավերն այս անգամ ընդունել է Վրաստանի ներկայացուցիչ Թամարա Գաչեչիլաձեն։ Նա երգել է ու ֆեյսբուքյան երկրպագուների դատին է ներկայացրել Կոմիտասի «Քելե, քելե» ստեղծագործությունը։
«Եվրատեսիլ» երգի մրցույթի հայաստանյան ներկայացուցիչ Արծվիկ Հարությունյանը «Ֆեյսբուք» սոցիալական ցանցում հանդես էր եկել նախաձեռնությամբ։ Նա «Եվրատեսիլի» այս տարվա մասնակիցներին առաջարկել էր հայկական ազգային երգ կատարել։
Նրա կոչին արդեն արձագանքել են Գերմանիայի պատվիրակ Լևինան, Կիպրոսի պատվիրակ Հովիգը։ Երեկ Արծվիկ Հարությունյանի առաջարկն ընդունել է այս տարի «Եվրատեսիլ» մրցույթում Վրաստանը ներկայացնող Թամարա Գաչեչիլաձեն։ Գաչեչիլաձեն 34 տարեկան է, ծնունդով Թբիլիսիից։
Կոմիտասի «Քելե, քելեն» Թամարայի կատարմամբ բավականին զգացմունքային ու լավ է հնչել։
