ԵՐԵՎԱՆ, 31 մարտի — Sputnik. Աշխարհի նախկին համար մեկ թենիսիստ Անդրե Աղասին կոչ է արել բաց չթողնել Ցեղասպանության մասին պատմող «Խոստումը» ֆիլմի պրեմիերան, որը կայանալու է ապրիլի 21-ին, ԱՄՆ-ում: Նա տեսանյութ է հրապարակել իր թվիթերյան էջում, որում ասում է. «Հպարտ եմ տեսնելու, որ Քըրք Քըրքորյանի նախաձեռնությունն իրականություն է դարձել, միացե՛ք և օգնե՛ք կատարելու նրա խոստումը»:
#KeepThePromise…@ThePromiseFilm pic.twitter.com/0czA1DrRVU
— Andre Agassi (@AndreAgassi) March 30, 2017
Նման կոչով հանդես է եկել նաև աշխարհահռչակ ռոք երաժիշտ Սերժ Թանկյանը, ով այս օրերին հայրենիքում է՝ խորհրդարանական ընտրություններին որպես դիտորդ մասնակցելու համար: Նրա ստեղծագործությունը պետք է հնչի օսկարակիր ռեժիսոր Թերի Ջորջի ֆիլմում: Թանկյանը կոչ է արել միանալ իրեն, Քրիս Քորնելին և դերասաններ Քրիստիան Բեյլին և Օսկար Այզեքին, Անժելա Սարաֆյանին, ովքեր այդ օրը կլինեն կարմիր գորգին:
There’s less than a week to go! Will YOU join us at the premiere of The Promise? ENTER: https://t.co/WtqE7Tou4r @thepromisefilm pic.twitter.com/rll009Ws4s
— Serj Tankian (@serjtankian) March 30, 2017
Քըրք Քըրքորյանի հովանավորությամբ նկարահանված Ցեղասպանության մասին պատմող «Խոստում» ֆիլմի ստեղծման գործում պրոֆեսիոնալ թիմ է աշխատել։ Ֆիլմի ռեժիսոր օսկարակիր Թերի Ջորջը ընտրել է տաղանդավոր և իրենց գործում հմուտ դերասանների՝ Քրիստիան Բեյլ, Օսկար Այզեկ, Շառլոտա Լե Բոն, Անժելա Սարաֆյան, Ջեյմս Քրոմվել և ուրիշներ, իսկ կինոնկարի սաունդթրեքը գրել է աշխարհահռչակ հայ երաժիշտ Սերժ Թանկյանը։
Ֆիլմի հիմքում սիրո պատմություն է, որի դեպքերը զարգանում են Հայոց ցեղասպանության տարիներին։
