ԵՐԵՎԱՆ, 2 ապրիլի — Sputnik. 11:00-ի դրությամբ խորհրդարանական ընտրություններին մասնակցած անձանց թիվը կազմել է 13.3 տոկոս, հայտնում է Կենտրոնական ընտրական հանձնաժողովը։
«11:00-ի դրությամբ քվեարկել է 344 հազար 714 մարդ կամ ընտրողների 13.3 տոկոսը», — հայտնում է ՀՀ ԿԸՀ-ի նախագահի տեղակալ Լաուրա Գալստյանը։
2015 թվականին ընդունված Սահմանադրական փոփոխություններից հետո սա առաջին համապետական ընտրությունն է, որով նախատեսվում է անցում կատարել կառավարման խորհրդարանական համակարգին, երկրի ներկայիս ղեկավարի իրավասությունների ժամկետի ավարտից՝ 2018 թվականից հետո: