ԵՐԵՎԱՆ, 2 ապրիլի — Sputnik. Ընտրախախտումների վերաբերյալ ցանկացած տեղեկություն հնարավոր է հրապարակել հատուկ այդ նպատակով ստեղծված կայքում` ahazang.ushahidi.io-ում։ Այս մասին Facebook Սոցիալական կայքում հայտնել է ՏՏ ոլորտի անվտանգության փորձագետ Սամվել Մարտիրոսյանը։
«Ընտրախախտումների ահազանգների կայք եմ սարքել։ Ընտրախախտում տեսնելիս մտնում եք կայք, տեղադրում ահազանգը քարտեզի վրա։ Կարող եք նաև լուսանկար և տեսանյութ տեղադրել youtub-ից»,- գրել է Մարտիրոսյանը։
Նա ընդգծել է, որ եթե տվյալները տեղադրողն իր մասին տեղեկություններ չի հայտնում, ուրիշ ոչ ոք չի տեսնում. Գաղտնիությունը պահպանվում է։