ԵՐԵՎԱՆ, 3 ապրիլի — Sputnik. Երևանի քաղաքապետարանի տարեկան ծրագրով տարատեսակ աջակցություններ են ստացել 235 կարիքավոր ընտանիքներ, այդ թվում նաև «Առաքելություն Հայաստան» բարեգործական կազմակերպության հետ համագործակցությամբ: Եվս 26 ընտանիք ընդգրկվել է պետական սոցիալական աջակցության ծրագրերում: Այս մասին հայտնում է քաղաքապետարանի մամուլի ծառայությունը։
«Արտահերթ հիմունքներով մայրաքաղաքի մանկապարտեզներ է հաճախում 122 սիրիահայ երեխա, հանրակրթական ուսումնական հաստատություններում էլ սովորում է 498 երեխա: Բացի այդ, 32 սիրիահայ աշակերտ սովորում է Ալ. Սպենդիարյանի անվան երաժշտական մասնագիտական դպրոցում, նրանցից 5-ը՝ անվճար հիմունքներով»,– նշված է հաղորդագրության մեջ:
Երևանի քաղաքապետարանի հատուկ ուշադրության կենտրոնում է նաև սիրիահայ ընտանիքների անվճար բուժօգնության և սպասարկման խնդիրը:
