ԵՐԵՎԱՆ, 4 ապրիլի — Sputnik. Ապրիլի 4-ին ՀՀ քննչական կոմիտեն ստացել է ընտրախախտումների մասին 224 հաղորդում: Դրանցից 6ով հարուցվել է քրեական գործ, մեկն ուղարկվել է դատախազություն՝ ՀՔԾ ուղարկելու համար: Մյուս հաղորդումների մասով ՔԿ տարածքային ստորաբաժանումներում նյութեր են նախապատրաստվում:
ՔԿ-ից հայտնում են նաև, որ ամենաշատ հաղորդումները ստացվել են Երեւանից (72), Կոտայքի (25) և Արմավիրի (37) մարզերից: Եվս 16 հաղորդում ստացվել է Գեղարքունիքից, 17-ը՝ Լոռիից, 5-ը՝ Վայոց Ձորից, 16-ը՝ Արագածոտնից, 9-ը՝ Տավուշից, 14-ը՝ Շիրակից, 2-ը՝ Սյունիքից, 8-ը՝ Արարատից:
Զինվորական քննչական գլխավոր վարչությունը ստացել է 3 հաղորդում:
ՀՀ ոստիկանությունում ապրիլի 4-ի դրությամբ գրանցվել է ընտրախախտումների վերաբերյալ 540 հաղորդում: Ոստիկանության մամուլի ծառայությունից հայտնում են, որ դրանցից 6-ով քրեական գործի հարուցումը մերժվել է, 133-ը ուղարկվել է նախաքննության, 106-ը՝ ստուգմամբ չի հիմնավորվել, 3-ը ուղարկվել է ՀՀ ՊՆ ռազմական ոստիկանություն, 292-ը գտնվում է նյութերի նախապատրաստման և ստուգման փուլում:
