ԵՐԵՎԱՆ, 4 ապրիլի — Sputnik. Ռուսաստանի Դաշնության արտակարգ իրավիճակների նախարարությունը հրապարակել է Սանկտ Պետերբուրգի մետրոյում ապրիլի 3-ին տեղի ունեցած ահաբեկչական պայթյունից տուժածների և քաղաքի բուժհաստատություններ տեղափոխվածների անվանացանկը:
Ըստ նախնական տվյալների՝ նրանց թվում ազգությամբ հայ չկա:
«Ռիա Նովոստին» հայտնում է, որ Սանկտ Պետերբուրգի մետրոպոլիտենն ահաբեկչությունից հետո այսօր առավոտյան աշխատանքը վերսկսել է ամբողջական ծավալով:
«Սանկտ Պետերբուրգի մետրոպոլիտենն առավոտից սկսել է աշխատել բոլոր ուղղություններով»,-նշվում է հաղորդագրության մեջ:
Սանկտ Պետերբուրգի մետրոյի կայարաններից մեկում պայթյունը որոտացել էր ապրիլի 3-ին, ժամը 15:35-ին «Տենխնոլոգիական ինստիտուտ» և «Սենայի հրապարակ» կայարանի մոտ։ Ըստ նախնական տվյալների՝ զոհվել է 11, տուժել ավելի քան 50 մարդ: Պայթուցիկ սարքերի հզորությունը տրոտիլային համարժեքով մոտ 200-300 գրամ է եղել։
