Արաբագետ. Տեռորը ձեռնարկվում է կարևոր դերակատարում ունեցող երկրներում

Սանկտ Պետերբուրգի մետրոյում տեղի ունեցած ահաբեկչությունը, հնարավոր է, Իսլամական պետության ձեռքի գործն է, կարծում է արաբագետ Սարգիս Գրիգորյանը։

Նրա խոսքով՝ ահաբեկիչների հաջողության գրավականը կարող է լինել մեկ անձի առկայությունը, քանի որ խմբակային գործողություններն ավելի հեշտ կբացահայտվեին և կկանխվեին։

Երկուշաբթի ժամը 14:30-ին Սանկտ Պետերբուրգի մետրոյում պայթյուններ տեղի ունեցան, նախնական տվյալներով 11 մարդ մահացել է, մի քանի տասնյակը վիրավոր են։ Տուժածների թվում կան երեխաներ։ Պետերբուրգյան մետրոյում ահաբեկչական գործողություն իրականացման մեջ մեղադրվում է Ղրղըզստանից եկած անձ։