ԵՐԵՎԱՆ, 10 ապրիլի — Sputnik. Երևանի ավագանու ընտրություններում ՀՀԿ ցուցակը գլխավորելու է Երևանի գործող քաղաքապետ Տարոն Մարգարյանը, «Ելք» դաշինքի ցուցակը՝ ԱԺ պատգամավորը Նիկոլ Փաշինյանը։
Մայիսի 14-ին կայանալիք Երևանի ավագանու ընտրություններին իշխող Հանրապետական կուսակցության համամասնական ցուցակը 195 հոգանոց է, նախընտրական շտաբի պետը լինելու է ԱԺ փոխխոսնակ Էդուարդ Շարմազանովը: Ցուցակի առաջնին հորիզոնականում Երևանի քաղաքապետ Տարոն Մարգարյանն է, երկրորդ տեղում` Սմբատ Լպուտյանը, երրորդում` Հովիկ Մուսայելյանը։
«Երկիր Ծիրանի» կուսակցությունը Կենտրոնական ընտրական հանձնաժողով է ներկայացրել 50 հոգանոց համամասնական ցուցակ, որը գլխավորում է կուսակցության հիմնադիր Զարուհի Փոստանջյանը: Երկրորդ տեղում է Մնացական Պարակշիևը, երրորդում` Սոնա Աղեկյանը։
«Ելք» դաշինքը ևս հրապարակել է Երևանի ավագանու իր թեկնածուների ցուցակը։ Առաջին հորիզոնականում Նիկոլ Փաշինյանն է, երկրորդ տեղում` Արայիկ Հարությունյանը, երրորդում՝ Դավիթ Խաժակյանը։
Երևանի ավագանու ընտրությունները տեղի կունենան 2017թ. մայիսի 14-ին: Նախընտրական քարոզարշավը կմեկնարկի ապրիլի 21-ին և կշարունակվի մինչև մայիսի 12-ը ներառյալ:
