Ջանելիձե. «Հայ–վրացական գործընկերությունը հիմնված է վստահության վրա»

© Sputnik / Asatur YesayantsМихеил Джанелидзе
Михеил Джанелидзе - Sputnik Արմենիա
Բաժանորդագրվեք
Yandex newsTelegram
Վրաստանի արտգործնախարար Միխեիլ Ջանելիձեն համարում է, որ 2017 թվականը կարևոր տարեթիվ է հայ–վրացական հարաբերությունների համար. երկկողմ համագործակցությունն արդեն 25 տարվա պատմություն ունի։

ԵՐԵՎԱՆ, 11 ապրիլի — Sputnik. Վրաստանը կողմ է Հայաստանի հետ երկկողմ հարաբերությունների խորացմանը։ Այս մասին հայտարարեց Վրաստանի արտգործնախարար Միխեիլ Ջանելիձեն Երևանում հայ գործընկերոջ հետ համատեղ ասուլիսի ժամանակ։

«Մենք այս տարի երկու երկրի համար կարևոր տարեթիվ ենք նշում` դիվանագիտական հարաբերությունների հաստատման 25-ամյակը։ Այս տարիների ընթացքում համատեղ ջանքերով հնարավոր է դարձել զարգացնել գործընկերությունը, որը հիմնված է վստահության վրա», — ասաց Ջանելիձեն։

Երկկողմ հանդիպման ընթացքում արտգործնախարարները քննարկել են հնարավոր համագործակցության ուղիներն ու ողջունել են քաղաքական ակտիվ երկխոսությունը։

Միխեիլ Ջանելիջեն երկօրյա այցով Հայաստան է ժամանել ապրիլի 11-ին Էդվարդ Նալբանդյանի հրավերով։ Նրա հայաստանյան առաջին այցը կայացել է 2016 թվականի մարտին։

Այս այցի շրջանակում նա հանդիպում կունենա նաև ՀՀ նախագահ Սերժ Սարգսյանի և վարչապետ Կարեն Կարապետյանի հետ։

Русская версия

Լրահոս
0