Սոլովյով. «Բաքվում ինձ չեն կշտամբել Ղարաբաղ այցելելու համար»

© Sputnik / Asatur Yesayants / Владимир Соловьев в пресс-центре Sputnik Армения
Владимир Соловьев в пресс-центре Sputnik Армения - Sputnik Արմենիա
Բաժանորդագրվեք
НовостиTelegram
Ռուս հաղորդավար և լրագրող Վլադիմիր Սոլովյովը պատմել է Ադրբեջան կատարած այցի և Իլհամ Ալիևի հետ հանդիպման մասին։

ԵՐԵՎԱՆ, 11 ապրիլի — Sputnik. Հայտնի հաղորդավար Վլադիմիր Սոլովյովը Բաքու կատարած այցի մանրամասները ներկայացրել է Վեստի FM-ի եթերում։

Владимир Соловьев в пресс-центре Sputnik Армения - Sputnik Արմենիա
Սոլովյովը չի պատրաստվում ներողություն խնդրել Արցախ այցելելու համար

Նա ասել է, որ Ադրբեջանի նախագահ Իլհամ Ալիևի հետ հանդիպման ժամանակ խոսել է այն մասին, որ ղարաբաղյան հակամարտությունը չի կարող ռազմական լուծում ունենալ։

«Ինձ վաղուց էին նախապատրաստում, որպեսզի Ադրբեջան գնամ: Ես հարցեր ունեի Ադրբեջանի նախագահին, քանի որ Հայաստանի հանդեպ իմ վերաբերմունքը շատ լավ հայտնի է, և ես երբեք չեմ թաքցրել այն»,- ասել է հաղորդավարը:

Ըստ Սոլովյովի` այս խնդրի կարգավորման համար հարկավոր է փոխզիջում գտնել:

«Դա կհանգեցնի նրան, որ Հայաստանը դուրս կգա շրջափակումից: Կարևոր է նաև, որ Հայաստանը, Ադրբեջանը և Ռուսաստանը կգտնվեն ԵՏՄ-ի միասնական տարածքում»,- ասել է հաղորդավարը։

Ռուս հաղորդավարն ընդգծել է նաև, որ Ալիևն իրեն չի կշտամբել Արցախ այցելելու համար:

Վլադիմիր Սոլովյովը Հայաստան էր այցելել այս տարվա մարտին և միացել մարտի 8-ի կապակցությամբ կազմակերպված ակցիային, որի շրջանակում վիրավոր զինծառայողները բացիկներ էին պատրաստել կանանց համար։

Русская версия 

Լրահոս
0