Դոն Չիդլն աջակցություն է հայտնել «Խոստում» ֆիլմին

© Sputnik / Екатерина Чеснокова / Անցնել ֆոտոբանկРежиссер и актер Дон Чидл.
Режиссер и актер Дон Чидл. - Sputnik Արմենիա
Բաժանորդագրվեք
Yandex newsTelegram
Հոլիվուդյան աստղ Դոն Չիդլը դիտել է Հայոց ցեղասպանության մասին պատմող «Խոստում» ֆիլմը և այդ մասին գրել Twitter-ի իր միկրոբլոգում։

ԵՐԵՎԱՆ, 11 ապրիլի — Sputnik. Հոլիվուդյան դերասան Դոն Չիդլը, որը հայտնի է իր դերակատարումներով «Ռուանդա» հյուրանոցը», «Օուշենի 13 ընկերները» ֆիլմերում, իր աջակցությունն է հայտնել Հայոց ցեղասպանության մասին «Խոստում» ֆիլմին:

«Ողջույն, ես Դոն Չիդլն եմ։ Ես տեսել եմ ցեղասպանության հետևանքները Դարֆուրում և խոստացել ինքս ինձ, որ պայքարելու եմ ցեղասպանությունների դեմ»,- Twitter-ի իր միկրոբլոգում գրել է Չիդլը:

Ավելի վաղ «Խոստում» ֆիլմին իրենց աջակցությունն էին հայտնել նաև Ջորջ Քլունին, Էլթոն Ջոնը, Լեոնարդո դի Կապրիոն, Սիլվեստր Ստալոնեն և Բարբարա Սթրեյզանդը։

​«Խոստում» ֆիլմը ստեղծվել է ամերիկահայ միլիարդատեր Քրք Քըրքորյանի ֆինանսական աջակցությամբ։ Ֆիլմի հեղինակը «Հյուրանոց «Ռուանդա» ֆիլմի ռեժիսոր Թերի Ջորջն է, գլխավոր դերերում հանդես են եկել Օսկար Այզեքը, Քրիստիան Բեյլը և Շարլոտ լե Բոնը։ Գործողությունները զարգանում են Օսմանյան կայսրությունում՝ Հայոց ցեղասպանության ժամանակ։ Ֆիլմի պրեմիերան տեղի կունենա ապրիլի 21-ին։ Հայաստանում և Ռուսաստանում այն կցուցադրվի ապրիլի 27-ին։

Լրահոս
0