Հայաստանի օմբուդսմենը տեղյակ է ընտրակաշառքի մասին

© Sputnik / Asatur YesayantsОмбудсмен РА Арман Татоян
Омбудсмен РА Арман Татоян - Sputnik Արմենիա
Բաժանորդագրվեք
НовостиTelegram
Ընտրակաշառքի բաժանման կոնկրետ դեպքերի մասին տեղեկությունը ուղարկված է համապատասխան մարմիններ՝ քրեական գործ հարուցելու համար, պնդում է մարդու իրավունքների պաշտպանը։

ԵՐԵՎԱՆ, 12 ապրիլի — Sputnik. Հայկական օմբուդսմենի գրասենյակը հաղորդագրություններ է ստացել Հայաստանում խորհրդարանական ընտրությունների ժամանակ տեղի ունեցած խախտումների մասին, բոլոր այդ դեպքերը քննվել են, ասաց մարդու իրավունքների պաշտպան Արման Թաթոյանը։

«Մենք նույնիսկ տեղեկություն ենք ստացել գումար բաժանելու և ընտրությունների ընթացքում մարդկանց «ուղղորդելու» մասին։ Մշտական կապ էինք պահում ԵՄ, ԵԱՀԿ և այլ դիտորդների հետ։ Այդ ամենը գրանցված է և կազդի մեր առաջիկա գնահատականների վրա»,- ասաց Թաթոյանը։

Նրա խոսքով՝ մամուլում տեղ գտած հրապարակումների ու հայտարարությունների մեծ մասը, հիմնականում, ընդհանուր բնույթ են կրում, իսկ կոնկրետ դեպքերը (հազարից՝ մոտ հարյուրը) ուղարկված են քրեական գործեր հարուցելու համար։

Следственный комитет Армении - Sputnik Արմենիա
Ստուգվում են ընտրակաշառքի վերաբերյալ ահազանգերը

Նա նաև նշեց, որ հատուկ ուշադրություն է դարձվում լրագրողների և դիտորդների իրավունքների խախտմանը։ Օմբուդսմենի գրասենյակը թեժ գծով մոտ 50 զանգ է ստացել, դրանց դիմումներից 17-ը տեղում լուծվել են։

Թաթոյանն անդրադարձավ նաև դպրոցների և մանկապարտեզների տնօրենների հավաքված ընտրացուցակների մասին տեղեկություններին, որը տարածել էր «Իրազեկ քաղաքացիների միավորում» հասարակական կազմակերպությունը։

«Դա մեզ համար շատ կարևոր է, հատկապես, երբ խոսքը վերաբերում է դպրոցին։ Ես միանգամից արձագանքեցի, հայտարարելով, որ դա անհանգստություն է առաջացնում, քանի որ վերաբերում է դպրոցի տնօրեններին», — ասաց Թաթոյանը։

Նրա խոսքով՝ հասարակական կազմակերպությունները կարևոր հսկիչ դեր են կատարում, նրանց բոլոր հայտարարությունները պետք է հիմնովին ստուգվեն։

Выборы НС РА. Голосование - Sputnik Արմենիա
Արաբյան. Հայաստանի ԱԺ ընտրությունները թափանցիկ էին

«Կարծում եմ, անթույլատրելի է «Իրազեկ քաղաքացիների միություն» հասարակական կազմակերպության նախագահ Դանիել Իոննիսյանի մասին անձնական տեղեկությունների հրապարակումը։ Ես գիտեմ, որ քրեական հանցագործության մասին տեղեկություն է ներկայացված, անձամբ կհետևեմ գործի ընթացքին», — ասա Թաթոյանը։

Ինչ վերաբերում է դպրոցների տնօրեններին, որոնք հայց են ներկայացրել և հասարակական կազմակերպությունից գումարային փոխհատուցում են պահանջում նրանց համբավին հասցրած վնասի համար, ապա, Թաթոյանի խոսքով, դա նրանց իրավունքն է, եթե որևէ մեկի կողմից մտածված ակցիա չէ։

«Ես ուզում եմ բոլոր պետական կառույցներից պահանջել, որ նրանց մտքով չանցնի քաղաքականություն իրականացնել՝ օգտագործելով այնպիսի միջոցներ, որոնք կհանդիսանան նրանց լիազորությունների գերազանցում կամ էլ կներգրավեն երեխաների»,- ասաց Թաթոյանը։

Նա կոչ արեց հասարակական կազմակերպություններին՝ հաշվի առնել երեխաների իրավունքները։

ԱԺ ընտրությունները տեղի ունեցան ապրիլի 2-ին։ Նախընտրական քարոզարշավի ընթացքում«Իրազեկ քաղաքացիների միավորում» հասարակական կազմակերպությունը զանգել է Երևանի և շրջանների ավելի քան 100 դպրոց և 30 մանկապարտեզ Հանրապետական կուսակցության աշխատակիցների անունից։ Ավելի քան 100 հաստատության ղեկավար հայտնել է, որ կազմել է ՀՀԿ-ի այն ընտրողների ցուցակներ, որոնք խոսք են տվել իրենք ձայնը տալ իշխող կուսակցությանը։

Русская версия

Լրահոս
0