Հայ պատանիների պատրաստած մարտական ռոբոտը բրնոզե մեդալ է բերել ԱՄՆ-ից

© Ayb schoolКоманда "Айб роботикс" завоевала бронзу
Команда Айб роботикс завоевала бронзу - Sputnik Արմենիա
Բաժանորդագրվեք
НовостиTelegram
«Այբ» դպրոցի ռոբոտիկայի թիմն ԱՄՆ–ում անցկացվող «Ռոբոտիկայի ազգային մարտահրավեր» մրցույթից վերադարձել է բրոնզե մեդալով։

ԵՐԵՎԱՆ, 13 ապրիլի — Sputnik. Արդեն երկրորդ տարին անընդմեջ «Այբ» դպրոցի ռոբոտաշինության խմբակը հաղթանակով է վերադառնում ԱՄՆ-ի Մարիոն քաղաքում անցկացվող հեղինակավոր «Ռոբոտիկայի ազգային մարտահրավեր» (National Robotics Challenge) մրցույթից: Այս անգամ թիմը Հայաստան վերադարձավ բրոնզե մեդալով՝ «մարտական ռոբոտ» (Combat Robot) անվանակարգում:

Այս տարի «Այբ»-ի երեխաները մրցույթին ներկայացել էին մարտական ռոբոտով: Հայկական ռոբոտը երկու օր շարունակ մարտի մեջ էր այլ ավագ դպրոցների և քոլեջների ներկայացրած տասնյակ ռոբոտների հետ:

«Նախորդ տարվա համեմատ՝ մրցույթին մասնակցող թիմերն ահագին զարգացում էին ապրել. բոլորն ավելի պատրաստված էին, ռոբոտներն էլ՝ ավելի կատարելագործված»,- նշեց ռոբոտաշինության խմբի առաջնորդ Սիմոն Զոհրաբյանը:

«Ռոբոտիկայի ազգային մարտահրավեր» մրցույթն առաջին անգամ անցկացվել է 1986 թ.-ին և համարվում է աշխարհում ռոբոտաշինության ամենաերկարակյաց մրցույթը: Այն բաղկացած է 12 անվանակարգից՝ սումո ռոբոտ, մինի-սումո ռոբոտ, փրկարար ռոբոտ, ռոբո հոկեյ, լաբիրինթոս անցնող ռոբոտ և այլն: Մրցույթին կարող են մասնակցել անհատներ կամ թիմեր տարրական, միջին, ավագ դպրոցներից և քոլեջներից:

Լրահոս
0