Հարված Սիրիային. Դամասկոսը հայտնում է հարյուրավոր զոհերի մասին

© Sputnik / Илья Питалев / Անցնել մեդիապահոցСитуация в сирийском городе Дамаске
Ситуация в сирийском городе Дамаске - Sputnik Արմենիա
Բաժանորդագրվեք
НовостиTelegram
Միջազգային կոալիցիան հարված է հասցրել Դեր Զորի ուղղությամբ, ինչի հետևանքով հարյուրավոր մարդիկ են զոհվել, այդ թվում` խաղաղ բնակիչներ։

ԵՐԵՎԱՆ, 13 ապրիլի — Sputnik. Միջազգային կոալիցիան կրկին հարված է հասցրել «Իսլամական պետություն» խմբավորման` Դեր Զորում գտնվող զինապահեստին, ինչի հետևանքով հարյուրավոր մարդիկ են զոհվել։ Այս մասին հայտնում է SANA գործակալությունը` հղում անելով Սիրիայի Զինված ուժերի գլխավոր շտաբին։

Քիմիական զենքի պահեստին ուղղված հարվածը հասցվել է չորեքշաբթի երեկոյան։

Ситуация в Алеппо - Sputnik Արմենիա
Ջարդ Սիրիայում. թուրքական «Եփրատի վահանը»` ահաբեկչական վահանի դեմ

Պարբերականը հայտնում է, որ հարվածի վայրում սպիտակ ամպ է գոյացել, որն ավելի ուշ դեղնավուն երանգ է ստացել, ինչը վկայում է թունավոր նյութերի առկայության մասին։

Ըստ Դամասկոսի հայտարարության` դա ևս մեկ անգամ վկայում է, որ ահաբեկչական կազմակերպությունների մոտ քիմիական զենք կա։ Խոսքն առաջին հերթին «Իսլամական պետության» և «Ան-Նուսրայի» ահաբեկիչների մասին է։

Հայտարարության համաձայն` պատահարը հաստատում է, որ ծայրահեղականները նման զենք «ստանալու, տեղափոխելու, պահելու և օգտագործելու» հնարավորություն ունեն։

Սիրիական Իդլիբ շրջանում ապրիլի 4-ին իրականացված քիմիական գրոհի հետևանքով, ՅՈՒՆՒՍԵՖ-ի տվյալների համաձայն, զոհվել է ավելի քան 80, վնասվածքներ ստացել ավելի քան 500 մարդ։ Արևմտյան կոալիցիան գրոհի համար մեղադրանք է ներկայացրել Դամասկոսին, ի պատասխան դրան` ապրիլի 7-ի գիշերը ԱՄՆ-ի Զինված ուժերը թևավոր հրթիռներով հարված են հասցրել սիրիական Շայրաթ ռազմաօդային ուժերի բազայի վրա։ Սիրիայի իշխանությունը ժխտել է քիմիական զենքի կիրառումը։

Русская версия 

Լրահոս
0