ԵՐԵՎԱՆ, 14 ապրիլի — Sputnik. ՄԱԿ-ին կից ԱՄՆ-ի նախկին մշտական ներկայացուցիչ, իրավապաշտպան, Պուլիտցերյան մրցանակակիր Սամանտա Պաուերն իր աջակցությունն է հայտնել Հայոց ցեղասպանության մասին պատմող «Խոստում» ֆիլմին:
«Իմ անունը Սամանտա Պաուեր է, և ես երդվում եմ, որ կկատարեմ մարդկանց իրավունքները պաշտպանելու խոստումս»,- ասել է նա #KeepThePromise հեշթեգով տեսանյութի մեջ, որը տեղադրվել է Enough Project կազմակերպության Թվիթերի էջում:
Thank you @SamanthaJPower for vowing to #KeepThePromise to be an upstander for human rights! @thepromisefilm @esrailian @ThePromiseToAct pic.twitter.com/Myr0eUGQmF
— Enough Project (@EnoughProject) 13 апреля 2017 г.
Շերը, Անդրե Աղասին, Սերժ Թանկյանը, Քիմ Քարդաշյանը և այլ հայ հայտնիներ ավելի վաղ բազմիցս հանդես են եկել ի աջակցություն ֆիլմի:
«Խոստում» ֆիլմը ստեղծվել է ամերիկահայ միլիարդատեր Քրք Քրքորյանի ֆինանսական աջակցությամբ։ Ֆիլմի հեղինակը «Հյուրանոց «Ռուանդա»» ֆիլմի ռեժիսոր Թերի Ջորջն է, գլխավոր դերերում հանդես են եկել Օսկար Այզեքը, Քրիստիան Բեյլը և Շարլոտ լե Բոնը։ Գործողությունները զարգանում են Օսմանյան կայսրությունում՝ Հայոց ցեղասպանության ժամանակ։ Ֆիլմի պրեմիերան տեղի կունենա ապրիլի 21-ին։ Հայաստանում և Ռուսաստանում այն կցուցադրվի ապրիլի 27-ին։
«Խոստում ֆիլմի պրոդյուսերները սկսել են #keepthepromise (պահիր խոստումը) արշավը, որի միջոցով ֆիլմին իրենց աջակցությունն են հայտնել երաժիշտ Էլթոն Ջոնը, դերասան Սիլվեստր Ստալոնեն, երգչուհի Շերը, Բարբարա Սթրեյզանդը, դերասաններ Լեոնարդո Դի Կապրիոն, Դին Քեյնը, Դոն Չիդլը և Օուեն Ուիլսոնը:
