Գևորգյանի խոսքով՝ քաղաքը ճանաչվում է մարդկանցով, իսկ քաղաքի դեմքը մտավորականությունն է:
«Անպայման չէ, որ մտավորական ասելիս հասկանանք գրող, ռեժիսոր, նկարիչ, բժիշկ: Ժամանակին քաղաքի մտավորականության մեջ էին մտնում նաև «լավ տղերքը»»,- ասում է նա:
Հիշում է, որ ընդամենը 25-30 տարի առաջ Գրողների միության մոտով անցնելիս մոտակա սրճարանում կարելի էր տեսնել հայտնի գրողներին, «Մոսկվա» կինոթատրոնի մոտ՝ հայտնի դերասաններին, ու նրանց կողքին՝ թաղային հեղինակություններին:
«Ուրիշ փոխհարաբերություններ էին, որը հիմա չկա»,- ասում է Գևորգյանը՝ շեշտելով, որ այսօր Երևանում փոխվել են մեծի ու փոքրի փոխհարաբերությունները, վերացել է միմյանց հանդեպ հարգանքը:
«Եթե անգամ կռիվ էր լինում, ու մեկն աղջկա հետ էր լինում, սպասում էին, որ աղջկան ճանապարհի, նոր հարցերը պարզեն»,- հիշում է նա՝ ևս մեկ անգամ նշելով, որ այսօր Երևանում շատ բան է փոխվել:
Զրույցի ամբողջական տարբերակը կարող եք ունկնդրել Sputnik Արմենիա ռադիոկայանի եթերում (FM106):
