ԵՐԵՎԱՆ, 18 ապրիլի — Sputnik. Ամերիկացի դրամատուրգ, բանաստեղծ և կոմպոզիտոր Սթիվեն Սոնդհայմի անվան պարգև, ինչպես նաև 10 հազար դոլար պարգևավճար կստանա Սուսաննա ՄակՖիլոմին, որը 2017 թվականի անգլերենի լավագույն դասախոսն է համարվել, հայտնում է Alexandria News պարբերականը։
Իր ուսանողների կողմից հեղինակավոր մրցանակի առաջադրված ՄակՖիլոմին, «Քենեդու» ամերիկյան կենտրոնի որոշմամբ, ներառվել է տարվա լավագույն դասախոսների տասնյակում։
Ինչպես նշում է պարբերականը, Սուսաննա ՄակՖիլոմին ԱՄՆ է մեկնել Հայաստանից, որտեղ երկար տարիներ աշխատել է Երևանի մանկավարժական համալսարանում, ինչպես նաև եղել է երկրի պաշտոնական դեմքերի թարգմանիչը։ Միգրացիայից հետո ՄակՖիլոմին դասավանդել է Վերջինիա և Յուտա նահանգների ուսումնական հաստատություններում։ 2013 թվականին Սուսաննան Ալեքսանդրիա քաղաքում մասնավոր դպրոց է բացել։
