Նիկոլ Փաշինյան
Ասֆալտապատման նպատակով փորված և օրեր շարունակ չնորոգվող Երևանի կենտրոնական փողոցները վկայում են, որ Երևանում քաղաքային իշխանություն չկա: Sputnik Արմենիայի հետ զրույցում ասել է Երևանի քաղաքապետի թեկնածու Նիկոլ Փաշինյանը:
Հաջորդ խնդիրը, Նիկոլ Փաշինյանի խոսքով, տրանսպորտի հարցն է:
«Մենք գիտենք, որ Երևանում շուրջ 230 ավտոբուս կա, որոնք կանգնած են և չեն օգտագործվում քաղաքային կարիքների համար»,- ասաց նա՝ մեղադրելով Երևանի ավագանու երթուղային միկրոավտոբուսների սեփականատեր անդամներին ու գործող քաղաքապետին, նշելով, որ նրանց ձեռնտու չէ այս ավտոբուսների շահագործումը:
Փաշինյանի մատնանշած երրորդ խնդիրը մայրաքաղաքում պետական հովանու ներքո գործող համատիրություններն են, որոնք, ըստ նրա, կարող են հանձնվել նաև մասնավոր կառավարման:
