ԵՐԵՎԱՆ, 22 ապրիլի — Sputnik, Արմենուհի Մխոյան. Այսօր ժամը 17-30-ի սահմանում Գյումրու Բուլվարային թաղամասում հայտնաբերվել է ռուսական զինվորական համազգեստով տղամարդու դի։
Առայժմ ճշտված չեն մահվան հանգամանքները։ Sputnik Արմենիայի թղթակցին ականատեսները պատմել են, որ տղամարդը մահացել է ծեծկռտուքի արդյունքում, նրան դանակահարել են, մարմնի վրա առկա են կտրող-ծակող գործիքով հասցրած վնասվածքներ։
Դեպքի վայրում այժմ աշխատում են քրեագետները։ Այնտեղ է նաև Շիրակի մարզի դատախազ Կարեն Գաբրիելյանը։
Գաբրիելյանը հայտնել է, որ Շիրակի ոստիկանությունը գործ է հարուցել ՀՀ քրեական օրենսգրքի 104-րդ հոդվածով՝ սպանություն։
Դատախազը նաև նշել է, որ մահացածը Գյումրիում տեղակայված ռուսական 102-րդ ռազմաբազայի զինծառայող է։
Ոստիկաններն արդեն բերման են ենթարկել մի կասկածյալի։
ՀՀ դատախազությունը տեղեկացրել է, որ մահացածը Դմիտրի Յալպաևն է։
