ԵՐԵՎԱՆ, 22 ապրիլի — Sputnik. Այսօր երեկոյան ժամերին հյուսիսային շրջաններում, 23-ի երեկոյան ժամերին, 24-ի գիշերը և առավոտյան շրջանների զգալի մասում սպասվում է կարճատև անձրև և ամպրոպ: 24-ի ցերեկը, 25-26-ը սպասվում է առանց տեղումների եղանակ:
Քամին հարավ-արևմտյան՝ 3-8 մ/վ, ամպրոպի ժամանակ՝ քամու ուժգնացում՝ 15-20 մ/վ: Օդի ջերմաստիճանը 22-23-ը կբարձրանա 3-4 աստիճանով, 25-26-ը կնվազի 5-7 աստիճանով, հայտնում է արտակարգ իրավիճակների նախարարությունը:
Երևանում ապրիլի 22-ին, 24-ի ցերեկը, 25-26-ը սպասվում է առանց տեղումների եղանակ: 23-ի երեկոյան ժամերին, 24-ի գիշերը և առավոտյան սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում՝ 15-20 մ/վ:
Երևան քաղաքի ապրիլի 22-ի բազմամյա կլիմայական տվյալներ.
• Օդի առավելագույն ջերմաստիճան՝ 29.00C (1989 թ.),
• Օդի նվազագույն ջերմաստիճան՝ —0.30C (2007 թ.),
• Օդի միջին օրական ջերմաստիճան՝ 13.40C։
