ԵՐԵՎԱՆ, 23 ապրիլի — Sputnik. Ռուս զինծառայող Դմիտրի Յալպաևի սպանության վերաբերյալ քրեական գործի առնչությամբ տվյալ պահին Գյումրիում ստեղծվել է քննչական-օպերատիվ խումբ, մի քանի տեսակի փորձաքննություններ են նշանակվել։ Այդ մասին Sputnik Արմենիային հայտնել է ՀՀ քննչական կոմիտեի նախագահի խորհրդական Սոնա Տռուզյանը:
102-րդ ռուսական ռազմաբազայի զինծառայող 21-ամյա Դմիտրի Յալպաևը ապրիլի 22-ին ժամը 17.30 հայտնաբերվել է Գյումրու «Արգո» խանութի մոտ՝ կտրած-ծակած մարմնական վնասվածքներով։
«Քննությանը մասնակցում է կասկածյալի փաստաբանը, քանի որ ավելի շուտ մարմնական վնասվածքներ պատճառելու փաստով նրա պաշտպանի դեմ հարուցվել է քրեական գործ, որի շրջանակում վերջինս ճանաչվել է սահմանափակ մեղսունակ»,- ասել է Սոնա Տռուզյանը։
Նա հայտնել է, որ սպանության գործիքը՝ դանակը, հայտնաբերվել է զոհի մարմնի վրա և փոխանցվել է փորձագետներին։
«Այսօր կսկսվի դատաբժշկական փորձաքննությունը եւ մասնագետները կասեն մահվան բուն պատճառը», — պարզաբանել է Տռուզյանը։
Ռուս պայմանագրային զինծառայող Դմիտրի Յալպաևի սպանության մեջ մեղադրվող անձը ավելի վաղ ճանաչվել էր անմեղսունակ և խաղաղ ժամանակ զինծառայություն անցնելու համար ոչ պիտանի։
