ԵՐԵՎԱՆ, 23 ապրիլի-Sputnik. Օրվա երկրորդ կեսին Փարիզի Աստվածամոր տաճարում կթևածեն Կոմիտասի «Ընտրեալդ Աստուծոյ» և Չիլինգիրյանի «Ամեն և ընդ հոգվույդ քում» երգերի հնչյունները:
«Մեծ եղեռնի զոհերի հիշատակին նվիրված Մեծ պատարագ է մատուցվելու, որտեղ ես ևս իմ մասնակցությունն ունեմ, երգելու եմ Կոմիտաս և Չիլինգիրյան»,- Sputnik Արմենիայի հետ զրույցում ասաց ֆրանսահայ օպերային երգիչ Ադամ Բարրոն:
Նրա տեղեկացմամբ՝ պատարագին ներկա են լինելու բարձրաստիճան հյուրեր, այդ թվում՝ Ֆրանսիայի քաղաքական գործիչ, նախկին վարչապետ Ֆրանսուա Ֆիյոն, ինչպես նաև ֆրանսահայ ականավոր գործիչ Պատրիկ Դևեջյանը, որը մեծ ներդրում ունի ՀՀ և Ֆրանսիայի հանրապետությունների միջև բարեկամական կապերի ամրապնդմանը:
