Աբխազիայի հայ համայնքի ղեկավար Սուրեն Կերսելյանը Sputnik Աբխազիայի հետ զրուցում նշել է, որ դա հայոց պատմության սև էջերից մեկն է։
«Ցեղասպանությունը տեղի չի ունեցել մեկ օրում։ Բայց ապրիլի 24-ին վերացվեց հայ ազգի ողջ մտավորականությունը` բժիշկներ, դասատուներ, նկարիչներ, երգահաններ։ Մենք` Աբխազիայի հայերս, այդ ցեղասպանության կենդանի ապացույցն ենք, քանի որ Աբխազիայի հայերը հիմնականում այն մարդիկ են, որոնք հայտնվել են այստեղ հենց այդ իրադարձությունների հետևանքով` փորձելով փրկել իրենց, իրենց ընտանիքների ու երեխաների կյանքը», — ընդգծել է նա։