ԵՐԵՎԱՆ, 25 ապրիլի — Sputnik. Հայտնի թուրք լրագրող Հասան Ջեմալը` Հայոց ցեղասպանության կազմակերպիչներից մեկի` Ջեմալ փաշայի թոռը, ցավակցություն է հայտնել հայ ժողովրդին Twitter սոցիալական ցանցում։
«Ապրիլի 24-ին ես կիսում եմ իմ հայ եղբայրների ցեղասպանության ցավը»,- գրել է Ջեմալը։
2012 թվականին Ջեմալը հրատարակեց «1915 թվական. Հայոց ցեղասպանություն» գիրքը, որտեղ զանգվածային ոչնչացումը «ցեղասպանություն» էր անվանել։ Բացի այդ, 2008 թվականին նա այցելեց Ծիծեռնակաբերդ։
Ermeni kardeşlerimin 24 Nisan soykırım acısını paylaşıyorum.
— Hasan Cemal (@hsncml) 24 апреля 2017 г.
1915 թվականին տեղի ունեցած ոճրագործությունը, որի հետևանքով Օսմանյան կայսրությունում ավելի քան 1,5 մլն հայ է սպանվել, ХХ դարի առաջին ցեղասպանությունն է համարվում։ Թուրքիան ավանդաբար մերժում է ցեղասպանություն իրագործելու մեղադրանքներն ու անչափ ցավագին է ընդունում այդ հարցի վերաբերյալ քննադատությունները։
Հայոց ցեղասպանությունն առաջինը ճանաչել է Ուրուգվայը՝ 1965 թվականին, այնուհետև նրա օրինակին են հետևել Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Բրազիլիան, Չիլին, Վատիկանը, Բոլիվիան, Չեխիան, Ավստրիան, Լյուքսեմբուրգը։ ԱՄՆ 52 նահանգից 45-ը պաշտոնապես ճանաչել և դատապարտել է Հայոց ցեղասպանությունը, ինչպես նաև ապրիլի 24-ը հայտարարել Հայոց ցեղասպանության զոհերի հիշատակի օր։
