Շիրակ Թորոսյանը չի ողջունում «սև ցուցակի» գաղափարը, սակայն նշում է, որ դա յուրաքանչյուր պետության ներքին գործն է։
«Համարում եմ, որ բարեկամ երկրների հարաբերություններում չպետք է լինեն «սև ցուցակներ» կամ եթե անգամ լինում են, ապա պետք է հիմնավոր և պատճառաբանված լիենեն»,- ասում է նա։
Թորոսյանը հույս ունի, որ տեսանելի հեռանակարում կձերբազատվենք այդ արգելքներից։ Ըստ նրա` նման լավատեսություն են ներշնչում հայ-վրացական ընթացող քննարկումները։
Նրա խոսքով` Հայաստանն ու Վրաստանն ընդհանուր հետարքրքություններ և շահեր ունեն տարածաշրջանում, այդ պատճառով «մենք պետք է միմյանց թև ու թիկունք լինենք վտանգներին ու մարտահրավերներին դիմակայելու համար»։
Թորոսյանն ընդգծում է, որ միջպետական հարաբերութունները խաթարող երևույթները հին մտածողության արդյունք են և ծնունդ են առել Միխեիլ Սահակաշվիլու կառավարման տարիներին, սակայն Թորոսյանի կարծիքով` դրանք դանդաղ, դժվարությամբ, բայց ամենայն հավանականությամբ կհաղթահարվեն։