Չեխիայի հայկական համայնքը կազմավորվել է հետխորհրդային ժամանակներում, երբ Պրահա և չեխական այլ բնակավայրեր են եկել հայեր Հայաստանից և նախկին ԽՍՀՄ մյուս հանրապետություններից, ասաց Չեխիայում Հայաստանի արտակարգ և լիազոր դեսպան Տիգրան Սեյրանյանը։
Դեսպանը գոհ է համայնքի կազմակերպվածությունից, նշեց, որ Պրահայում շաբաթօրյա հայկական դպրոց է գործում, մայրաքաղաքի կենտրոնում հայկական եկեղեցի կա, գոյություն ունի տպագիր մամուլ՝ «Օրեր» պարբերականը, ակտիվ գործունեություն է ծավալում հայկական երիտասարդական միությունը։
Նրա խոսքով՝ ոչ միայն Պրահայում են հայերը զբաղվում հայապահպանությամբ, այլև Չեխիայի մյուս քաղաքներում, հայկական դեսպանատունն էլ աջակցում է նրանց, կազմակերպվում են համատեղ միջոցառումներ, գործակցությունն արդյունավետ է։
Զրույցի ամբողջական տարբերակը կարող եք ունկնդրել Sputnik Արմենիա ռադիոկայանի եթերում (FM106):
