ԵՐԵՎԱՆ, 28 ապրիլի — Sputnik. Ապրիլի 28-ին, ժամը 13:20-ին Վրաստանի ՆԳՆ ԱԻ դեպարտամենտից տեղեկություն է ստացվել, որ ժամը 06:32-ին Թբիլիսի-Ստեփանծմինդա ավտոճանապարհին` Միսակցիելի գյուղի մոտակայքում, տեղի է ունեցել ՃՏՊ՝ «Lada Samara» մակնիշի ավտոմեքենան դուրս է եկել ճանապարհի երթևեկելի հատվածից և բախվել ծառին: Այս մասին հայտնում է ԱԻՆ մամուլի ծառայությունը։
«1980 թ. ծնված Զառա Մ.-ը (ՌԴ քաղաքացի) մահացել է, իսկ 1943 թ. ծնված Գագիկ Հ.-ը (ՌԴ քաղաքացի) հոսպիտալացվել է Մցխեթի ԲԿ»,- նշված է հաղորդագրության մեջ:
ԱԻՆ-ից հայտնում են, որ կտրվի լրացուցիչ տեղեկություն: