ԵՐԵՎԱՆ, 2 մայիսի — Sputnik. Այսօր՝ մայիսի 2-ին, Կիսլովոդսկում լարախաղացների միջազգային փառատոն է մեկնարկում, որին կմասնակցի 250 մարդ Ռուսաստանի տարբեր շրջաններից ու աշխարհի տարբեր երկրներից, այդ թվում՝ Հայաստանից: Այս մասին հայտնում է rusarminfo.ru-ն՝ հղում անելով քաղաքապետարանի մամուլի ծառայությանը:
Ճոպանները կանցնեն 100 մետր խորություն ունեցող կիրճի վրայով: Ընդհանուր առմամբ 10 ճոպանուղի կլինի՝ 20-ից 200 մետր երկարությամբ: Ճոպանների լայնությունը 25 մմ է:
Փառատոնը կտևի մինչև մայիսի 10-ը: Բացի Հայաստանից, մասնակիցներ կլինեն նաև Բելառուսից, Վրաստանից, Լիտվայից, Գերմանիայից, Իսրայելից ու Նիդեռլանդներից:
