ԵՐԵՎԱՆ, 4 մայիսի — Sputnik. ՀՀ արտգործնախարար Էդվարդ Նալբանդյանը կառավարության հաստատմանը ներկայացրեց ՀՀ ԱԳՆ-ին գումար հատկացնելու և գնման գործընթացը կազմակերպելու մասին որոշման նախագիծը։
Բյուջետային միջոցների տրամադրումը նպատակաուղղված կլինի Սիրիայում տուժած բնակչությանը մարդասիրական օգնության տրամադրմանը։
Սիրիական հակամարտությունից տուժած բնակիչներին մարդասիրական օգնություն ուղարկելու նպատակով 2017 թվականի պետական բյուջեով նախատեսված ՀՀ կառավարության պահուստային ֆոնդից 2017 թվականի երկրորդ եռամսյակում կհատկացվի 43 մլն դրամ: