ԵՐԵՎԱՆ, 5 մայիսի — Sputnik. Մեր երկու ըմբիշները պայքարի մեջ կմտնեն 1/8 եզրափակչից: Մարգարյանի մրցակիցը կլինի` Իսրաիլ Կասումով (Ռուսաստան) — Թիմ Մյուլեր (Գերմանիա) զույգի հաղթողը, իսկ Բերիանիձեն կգոտեմարտի մոլդովացի Անդրեյ Ռոմանովի հետ: Այս մասին հայտնում է Հայաստանի ազգային օլիմպիական կոմիտեի մամուլի ծառայությունը։
Ազատ ոճի ըմբշամարտի Եվրոպայի առաջնությունից հետո, վաղը կմեկնարկեն հունահռոմեական ոճի ըմբիշները: Հայաստանի հավաքականը, Լևոն Ջուլֆալակյանի գլխավորությամբ, արդեն մրցավայրում է:
Մեր ընտրանու կազմում Եվրոպայի առաջնությանը կմասնակցեն` Գևորգ Ղարիբյանը (59 կգ քաշային կարգ), Կարեն Ասլանյանը (66 կգ), Ռաֆայել Ալեքսանյանը (71 կգ), Կարապետ Չալյանը (75 կգ), Սարգիս Քոչարյանը (80 կգ), Մաքսիմ Մանուկյանը (85 կգ) և Արթուր Ալեքսանյանը (98 կգ):
