ԵՐԵՎԱՆ, 6 մայիսի — Sputnik. Ռիո-2016-ի օլիմպիական չեմպիոն, 98 կգ քաշային Արթուր Ալեքսանյանը Եվրոպայի առաջնության քառորդ եզրափակչում մրցեց Նորվեգիայի ներկայացուցիչ Ֆելիքս Բալդաուիֆի հետ և ցավալի պարտություն կրեց: Այս մասին հայտնում է armsport.am-ը:
Այսպիսով, Ալեքսանյանը բրոնզե մեդալի համար պայքարելու հնարավորություն կունենա միայն այն դեպքում, եթե Ֆելիքս Բալդաուֆը հասնի եզրափակիչ:
Հայ ըմբիշը մեկնարկային գոտեմարտում հաղթել էր լիտվացի ըմբիշին, իսկ 1/8 եզրափակչում 5:1 հաշվով առավելության էր հասել Սերբիան ներկայացնող մարզիկի նկատմամբ:
Եվրոպայի առաջնությանը Արթուր Ալեքսանյանի մասնակցությունը հաստատվեց միայն վերջին օրերին, քանի որ մարզման ժամանակ նա ծնկի վնասվածք էր ստացել:
