ԵՐԵՎԱՆ, 7 մայիսի — Sputnik. «Առաջ» շարժման առաջնորդ Էմանուել Մակրոնը Ֆրանսիայի նախագահական ընտրությունների երկրոդ փուլում առաջատար է։ Այս մասին հայտնում է բելգիական Le Soir թերթը՝ հղում տալով ընտրատեղամասերից դուրս եկող ընտրողների հարցմանը։
Պարբերականը՝ հղում անելով «հավաստի աղբյուրներին», գրում է, որ Մակրոնը հաստատապես առաջատար դիրքերում է Ֆրանսիայի անդծովյան տարածքներում՝ Գվադելուպայում նրան ձայն են տվել ընտրողների 75,1%, Մարտինիկայում՝ 77,5%, Ֆրանսիական Գվինեայում՝ 65%։
Միացյալ Նահանգներում Մակրոնը գրեթե բացարձալ առաջատար է՝ Նյու Յուրքում, Չիկագոյում ու Բոստոնում քվեարկող Ֆրանսիայի քաղաքացիները տվել են նրան համապատասխանաբար 94,7%, 92% և 95,7% ձայն, նշում է թերթը։
Ի տարբերություն Ֆրանսիայի, Բելգիայում թույլատրվում է exit-poll-ի տվյալների հրապարակումը ընտրությունների արդյունքների պաշտոնական հայտարարումից առաջ։ Պարբերականը պարզաբանում է, որ սա կիրակի օրը՝ մայիսի 7-ին արված հարցումների արդյունքներն են։
