Արցախյան սահմանին լարվածությունը կրկին աճել է

© Sputnik / Asatur Yesayants / Военнослужащий вооруженных сил РА
Военнослужащий вооруженных сил РА - Sputnik Արմենիա
Բաժանորդագրվեք
НовостиTelegram
Այս գիշեր ադրբեջանական կողմը կրկին ակտիվացել է. հիմա իրավիճակը համեմատաբար հանգիստ է։

ԵՐԵՎԱՆ, 8 մայիսի — Sputnik. Մայիսի 6-ին, 7-ին և լույս 8-ի գիշերը արցախա-ադրբեջանական հակամարտ զորքերի շփման գծում նկատվել է լարվածության աճ: Հակառակորդը տարբեր տրամաչափի հրաձգային զինատեսակներից, հրադադարի պահպանման ռեժիմը խախտել է շուրջ 160 անգամ՝ հայ դիրքապահների ուղղությամբ արձակելով ավելի քան 2600 կրակոց: Այս մասին հայտնում է Արցախի պաշտպանության նախարարության մամուլի ծառայությունը։

«Շփման գծի արևելյան ուղղությամբ, բացի հրաձգային զինատեսակներից, ադրբեջանական զինուժը մայիսի 7-ին կիրառել է նաև 60 միլիմետրանոց ականանետ (7 արկ) և հաստոցավոր ավտոմատ նռնականետ (7 արկ)»,- նշված է հաղորդագրության մեջ:

ՊԲ առաջապահ զորամասերը շարունակում են լիակատար վերահսկողություն պահպանել առաջնագծում և վստահորեն իրականացնել իրենց առջև դրված մարտական խնդիրը:

Այս պահի դրությամբ իրադրությունն առաջնագծում հարաբերական հանգիստ է:

Ինչպես երեկոյան նշել էինք, երեկ կրակոցներ են եղել նաև ՀՀ սահմանին: Այս պահին իրավիճակը հանգիստ է:

Русская версия

Լրահոս
0