ԵՐԵՎԱՆ, 14 մայիսի — Sputnik. ՀՀ նախագահ Սերժ Սարգսյանը քվեարկության էր եկել տիկնոջ` Ռիտա Սարգսյանի հետ։ Քվեարկելուց հետո նա պատասխանեց Sputnik Արմենիայի հարցին, թե հանուն ինչպիսի Երևանի է նա քվեարկել։
«Հանուն լավ Երևանի»,- պատասխանեց նախագահը։
Սարգսյանի քվեարկության ընթացքում կրկին տեխնիկական խնդիրներ ծագեցին. սարքը երրորդ անգամից նոր ճանաչեց նախագահի մատնահետքը:
Նշենք, որ ընտրություններին քաղաքական երեք ուժ է մասնակցում` ՀՀԿ-ն, «Երկիր ծիրանի» կուսակցությունն ու «Ելք» դաշինքը։
Հայաստանի հանրապետական կուսակցության քաղաքապետի թեկնածուն գործող քաղաքապետ Տարոն Մարգարյանն է։ «Երկիր ծիրանի» կուսակցության թեկնածուն` Զարուհի Փոստանջյանը, իսկ «Ելք» դաշինքինը` Նիկոլ Փաշինյանը։
© Sputnik / Գոհար Սարգսյան, Արամ Ներսեսյան
