ԵՐԵՎԱՆ, 19 մայիսի — Sputnik. Ամերիկյան հեռուստաաստղ և ֆոտոմոդել Քիմ Քարդաշյանը 100 մլն բաժանորդ է հավաքել Instagram-ի վարկանշային ցուցակում` առաջ անցնելով Կրիշտիանու Ռոնալդուից։
Դեռ մայիսի 4-ին տաբլոիդները տարածեցին լուրն այն մասին, որ Կրիշտիանու Ռոնալդուն Instagram-ի վարկանշով անցել է Քիմ Քարդաշյանից. 99 մլն 183 719 մարդ։ Նա Քիմից առաջ էր անցնել Instagram-ի առաջնորդների լավագույն հնգյակում։ Եվ ահա երկու շաբաթ հետո Քարդաշյանը հաղթանակ է տոնում։
Քիմը հայտնել է ուրախալի լուրը և որոշել այդ առթիվ անվճար բաժանել LuMee case լուսավորությամբ պատյաններ։ Քարդաշյանը նաև դստեր լուսանկարն է հրապարակել՝ մակագրելով, որ նա դեռ չգիտի, թե ինչ է նշանակում 100 մլն բաժանորդը, սակայն մոր նման ուրախանում է ։
Վարկանշում Քիմից առաջ են միայն Բիյոնսեն (102 մլն), Արիանա Գրանդեն (120 մլն) և Սելենա Գոմեսը (120 մլն)։
