Ալեքսիս Օհանյանի հարսնացուին զեղչ չեն տվել մաշկի գույնի պատճառով

© AFP 2022 / KENA BETANCURСерена Уильямс
Серена Уильямс - Sputnik Արմենիա
Բաժանորդագրվեք
Yandex newsTelegram
Կոշիկի խանութը հայտնի թենիսիստուհի Սերենա Ուիլյամսին՝ գործարար Ալեքսիս Օհանյանի հարսնացուին, հրաժարվել է զեղչ տրամադրել ռասայական ատելության պատճառով: Այդ մասին պատմել է խանութի նախկին աշխատակցուհի Ուիթնի Ուիլբերնը:

ԵՐԵՎԱՆ, 20 մայիսի — Sputnik. Աշխարհի երկրորդ ռակետ Սերենա Ուիլյամսը ռասայական հողի վրա սկանդալի զոհ է դարձել: Gianvito Rossi խանութի նախկին աշխատակցուհի Ուիթնի Ուիլբերնը դատարան է դիմել ռասայական խտրականության պատճառով:

Теннисист Илие Настасе - Sputnik Արմենիա
Ուիլյամսի և Օհանյանի երեխայի մասին կատակը թանկ նստեց Ռումինացի թենիսիստի վրա

The Tennis World պարբերականին տված հարցազրույցում նա պատմել է, որ իր ղեկավարը` Գրեյս Մազիլին, ռասայական խտրականություն է դրսևորել սևամորթների նկատմամբ:

Ուիլբերնը հայտնել է, որ երբ Սերենա Ուիլյամսն իր ներկայացուցիչների միջոցով բուտիկի ղեկավարությունից զեղչ է խնդրել բավականին ծանրակշիռ գնումներ կատարելու համար, աշխատակիցները հրաժարվել են զեղչ տրամադրել` նրան գարշելի անվանելով: Նախկին աշխատակցուհու խոսքով՝ բուտիկի աշխատակիցները ռասայական բնույթի վիրավորական արտահայտություններ են արել և այդպիսով հասկացնել տվել, որ ընկերությունը չի ցանկանում իր արտադրանքը տեսնել աֆրոամերիկուհիների վրա:

«Երբ, ի վերջո, ընկերությանը ստիպել են դա անել Vogue ամսագրի ճնշման տակ, բուտիկը հայտնի թենիսիստուհուն միայն մի փոքր զեղչ է առաջարկել, այն զեղչերից, որոնք ստանում են սպիտակամաշկ հայտնիները»,- պատմել է Ուիլբերնը:

Թե ինչպես է արձագանքել ինքը` հղի Ուիլյամսը, հայտնի չէ: Ապրիլին Ուիլյամսը ռասայական վիրավորանքներ էր ստացել թենիսի Ռումինիայի հավաքականի ավագ Իլիե Նաստասեից: Ավելի ուշ նա ներողություն էր խնդրել, իսկ Ուիլյամսն ասել էր, թե իրեն վշտացնում է նման հասարակությունում ապրելը, որտեղ կան մարդիկ Նաստասեի նման` ռասիստական բաց հայացքներով:

Русская версия

Լրահոս
0