Հայ-վրացական միություն. կարո՞ղ է այն կանխել տարածաշրջանային հակամարտությունները

© Официальных сайт МИД АрменииФлаги Армении и Грузии
Флаги Армении и Грузии - Sputnik Արմենիա
Բաժանորդագրվեք
Yandex newsTelegram
Հայաստանն ու Վրաստանը կարող են օգնել միմյանց կարգավորելու տարածաշրջանում առկա հակամարտությունները, համոզված են «Կովկասյան գործընկերության» կազմակերպած «Հայաստանն ու Վրաստանը 21-րդ դարում. ընդհանուր սպառնալիքները և համագործակցության հետագա ամրապնդման հեռանկարները» կլոր սեղանի փորձագետները:

ԵՐԵՎԱՆ, 20 մայիսի — Sputnik, Լաուրա Սարգսյան. Հայաստանն ու Վրաստանը մեծ ներդրում ունեն տարածաշրջանային հակամարտությունների կարգավորման հարցում: Դրա վառ ապացույցն է ժողովրդական դիվանագիտության մակարդակով այս կամ այն հակամարտության սրումը կանխելուն ուղղված կողմերի բազմաթիվ փորձերը:

«Երկար տարիների ընթացքում մենք փորձեր ենք արել ոչ պաշտոնական մակարդակում հայ-ադրբեջանական երկխոսություն կազմակերպելու համար: Արդյունքում տեղի ունեցավ ռազմագերիների, պատանդների և մի շարք այլ փոխանակումներ»,- Sputnik Արմենիայի հետ զրույցում ասաց Վրաստանում տարածաշրջանային անվտանգության Կովկասյան ինստիտուտի տնօրեն Ալեքսանդր Ռուսեցկին:

Նրա խոսքով՝ հակամարտությունների կարգավորման հիմնական պայմանը արդի իրողության մեջ նոր մոտեցումների և տեսլականի մշակումն է, ինչպես նաև երրորդ երկրների` Իրանի, Թուրքիայի և Ռուսաստանի ներգրավումը:

Ռուսեցկին համոզված է, որ դրա համար քաղաքական կամք է անհրաժեշտ, որը չի կարող ձևավորվել առանց ինտելեկտուալ աշխատանքի: Վերջինն ապահովում են ոչ թե պետական կառույցները, այլ ինտելեկտուալ փորձագիտական վերնախավը:

Памятник героям фильма Мимино в Тбилиси - Sputnik Արմենիա
Հայաստան – Վրաստան. և կրկին հին երգը գլխավորի մասին

«Առկա խնդիրներն ու հակամարտությունները խոչընդոտում են լիարժեք երկկողմ համագործակցությանը: Հարկ է զարգացնել հարաբերություններն այնպիսի ուղղություններով, ինչպիսին զբոսաշրջությունն է, գյուղատնտեսությունը, ազգային և տարածաշրջանային ապրանքանիշերի ստեղծումը»,- ասաց Ռուսեցկին:

Փորձագետը չի բացառում, որ վերջին ժամանակահատվածում հայ-վրացական հարաբերությունները նոր մակարդակ են հանդես գալիս: Այն դրական է գնահատում նաև Վրաստանում Հայաստանի նախկին դեսպան Հովհաննես Մանուկյանը: Նրա խոսքով՝ այդ հարաբերություններն ունեն բոլոր անհրաժեշտ նախադրյալները տարածաշրջանային և միջպետական հարցերի համատեղ լուծման համար:

«25 տարվա ընթացքում մեր հարաբերություններում մի շարք հարցեր են առաջացել, սակայն մենք միշտ կոնստրուկտիվ լուծումներ ենք գտել: Երբեմն, հարցի լուծումը ձգձգվել է, երբեմն դժվարությամբ ենք որևէ որոշում կայացրել, սակայն անլուծելի խնդիրներ մենք չենք ունեցել»,- Sputnik Արմենիայի թղթակցի հետ զրույցում ասաց Մանուկյանը:

Михеил Джанелидзе - Sputnik Արմենիա
Ջանելիձե. «Հայ–վրացական գործընկերությունը հիմնված է վստահության վրա»

Երկու երկրների փորձագետներ ևս մի թեմա քննարկեցին, այն է՝ տարածաշրջանային սպառնալիքներին, ահաբեկչությանը, ազգային անվտանգության հարցերին հակազդելը տնտեսական և արտաքին քաղաքական ուղղությունների համատեքստում: Քննարկված հարցերի լայն շրջանակը հնարավորություն կտա կողմերին փորձի փոխանակում իրականացնել և կանխել հնարավոր սխալները:

«Հայաստանն ու Վրաստանը 21-րդ դարում. ընդհանուր սպառնալիքները և համագործակցության հետագա ամրապնդման հեռանկարները» կլոր սեղանը «Կովկասյան գործընկերության» երրորդ միջոցառումն է, որի հիմնադիրն ու ղեկավարը Վրաստանում Հայաստանի նախկին դեսպան Հովհաննես Մանուկյանն է:

Հայ-վրացական դիվանագիտական հարաբերությունների հաստատման 25-ամյակին նվիրված միջոցառումն ուղղված է երկկողմ համագործակցության ամրապնդմանը:

Русская версия

Լրահոս
0