ԵՐԵՎԱՆ, 21 մայիսի — Sputnik. Ընտրական օրենսգրքի պահանջով՝ այսօր՝ մայիսի 21-ին, Հայաստանի Կենտրոնական ընտրական հանձնաժողովը նիստ է գումարել, ամփոփել մայիսի 14-ին կայացած Երևանի ավագանու ընտրությունների արդյունքներն ու կազմել արձանագրություն։
Արձանագրության համաձայն՝ բոլոր 474 տեղամասերի տվյալների արդյունքներն այսպիսին են.
Հայաստանի հանրապետական կուսակցություն- 71,25 տոկոս կամ 240034 քվե
«Ելք» կուսակցությունների դաշինք- 21 տոկոս կամ 70730 քվե
«Երկիր ծիրանի կուսակցություն- 7,75 տոկոս կամ 26107 քվե
Անճշտությունների թիվը կազմել է 49:
Մայիսի 14-ի Երևանի ավագանու ընտրություններին մասնակցել է 345.146 մարդ կամ ընտրողների 40,99%-ը:
Արձանագրության տակ ստորագրել են Հանձնաժողովի բոլոր անդամները:
Այսպիսով, ՀՀԿ-ն Երևանի ավագանիում կստանա 46 մանդատ, «Ելք» դաշինքը՝ 14, Երկիր Ծիրանին՝ 5։ ՀՀԿ-ի ցուցակը գլխավորող Տարոն Մարգարյանն էլ կդառնա Երևանի քաղաքապետ։
Հիշեցնենք, որ Երևանի ավագանու ընտրություններում պայքարում էր երեք քաղաքական ուժ՝ ՀՀԿ-ն, «Ելք» ընդդիմադիր դաշինքն ու «Երկիր ծիրանի» կուսակցությունը։ Ավագանին ընտրվում է 5 տարի ժամկետով:
