ԵՐԵՎԱՆ, 21 մայիսի — Sputnik. Euronews հեռուստաալիքի թիմն իր իր ֆեյսբուքյան էջի միջոցով հայտնել է, որ հեռուստաալիքի ուկրաինական ծառայությունը մայիսի 21-ից դադարեցրել է իր գործունեությունը:
«Euronews-ի ուկրաինական ծառայությունը հրաժեշտ է տալիս… Համարյա 6 տարի աշխատելուց հետո կիրակի օրը՝ մայիսի 21-ին, Euronews-ը կդադարեցնի հեռարձակումն ուկրաիներենով: Շնորհակալություն, որ դիտել և կարդացել եք մեզ: Ամենայն բարիք: Փառք Ուկրաինային», — ասվում է հաղորդագրության մեջ:
Հեռուստաալիքի ուկրաինական ծառայության այս գրառումն ուղեկցվել է թիմի լուսանկարով, որն արվել է հեռուստաընկերության նախասրահում:
Հիշեցնենք, որ Euronews-ի ուկրանիական ծառայությունը հիմնադրվել է 2010թ.-ին: 2014թ.-ին երկրի Հեռուստառադիոկոմիտեի նոր ղեկավարությունը նախաձեռնեց հեռուստաալիքի փակման աշխատանքները՝ մեկնաբանելով, որ այն ձեռնտու չէ ֆինանսական տեսակետից:
2015 թ.-ի մարտին հաղորդվեց, որ հեռուստաալիքին զրկել են արտոնագրից, որը տրամադրվել էր նախորդ իշխանությւոնների կողմից:
