ԵՐԵՎԱՆ, 22 մայիսի — Sputnik. ՀՀ ճանապարհային ոստիկանությունը հայտարարություն է տարածել` նշելով, թե ինչ պետք է անեն այն քաղաքացինները, որոնք փաստաթղթեր են գտել։
«Վարորդական իրավունքի վկայականների, Ճանապարհային ոստիկանության կողմից տրվող այլ փաստաթղթերի կամ առավել հաճախ հանդիպող՝ տրանսպորտային միջոցների համարանիշների կորստյան դեպքում՝ գտնողներին խնդրում ենք մոտենալ առաջին իսկ պատահած Ճանապարհային ոստիկանության ճանապարհապարեկային ծառայության կարգախմբին»,- նշված է հայտարարության մեջ։
Ըստ հաղորդագրության` փաստաթղթերը պետք է հանձնել ծառայության կարգախմբին ՝ թողնելով նաև գտնողի հեռախոսի համարը՝ հետագա արդյունքների մասին տեղեկացնելու համար: