«Ավրորա» մրցանակի առաջին դափնեկիրը երգով շնորհավորել է Շառլ Ազնավուրին

© Sputnik / Asatur YesayantsМаргарет Баранкитс
Маргарет Баранкитс - Sputnik Արմենիա
Aurora Prize մրցանակի առաջին դափնեկիր Մարգարիտ Բարանկիցեն շնորհավորել է Շառլ Ազնավուրի 93 ամյակը` կատարելով նրա հայտնի երգերից մեկը։

ԵՐԵՎԱՆ, 23 մայիսի — Sputnik. Aurora Prize մրցանակի առաջին դափնեկիր Մարգարիտ Բարանկիցեն, ով այս օրերին կրկին Երևանում է, շնորհավորել է աշխարհահռչակ ֆրանսիացի շանսոնիե, իսկական հայ Շառլ Ազնավուրի ծննդյան տարեդարձը` կատարելով նրա հայտնի Pour toi Arménie (Քեզ համար, Հայաստան) երգը։

Ժամանակին Ազնավուրը այդ երգը նվիրել է 1988 թվականի Սպիտակի երկրաշարժի զոհերին։ Այն ժամանակ այս երգը կատարեցին ֆրանսիական էստրադայի բոլոր աստղերը։ Իսկ այսօր Բարանկիցեն այն «վերադարձրեց» Ազնավուրին և նույնպես ոչ մենակ։

Հիշեցնենք, որ Երևանում մայիսի 28-ին Ազնավուրը մասնակցելու է Ռուբեն Վարդանյանի բարեգործական հիմնադրամի սահմանած Aurora Prize միջազգային մարդասիրական մրցանակի հանձնման արարողությանը։ Մայիսի 29-ին նա ներկա կգտնվի La Boheme բալետի երևանյան պրեմիերային։

Аврора Прайс - Sputnik Արմենիա
«Ավրորա» մրցանակի 1 միլիոն դոլարը` երեխաներին

Բուրունդիի «Խաղաղության Տան» հիմնադիր Մարգարիտ Բարանկիցեն 2016 թվականի ապրիլի 24-ին կազմակերպած AuroraPrize մրցանակի առաջին դափնեկիրը դարձավ։ Նա Բուրունդիի քաղաքացիական պատերազմի տարիներին փրկել և խնամել է 30,000 երեխաների, որբերի ու փախստականների։ Այս տարի Մարգարիտ Բարանկիցեն ժամանել է Երևան` մասնակցելու այս տարվա մրցանակաբաշխությանը։ Այցի շրջանակում նա այցելել է Ծիծեռնակաբերդ, ծաղիկներ դրել հավերժական կրակի մոտ, ծառ տնկել հուշահամալիրի պուրակում և այցելել Ցեղասպանության թանգարան:

«Ավրորա» մարդասիրական նախաձեռնությունը, որը ստեղծվել է Հայոց ցեղասպանության ականատեսների անունից՝ ի երախտագիտություն նրանց փրկողների, ձգտում է հնարավորություն տալ մերօրյա հերոսներին՝ կյանք և հույս պարգևել նրանց, ովքեր մարդասիրական աջակցության խիստ կարիք ունեն, այդպիսով, շարունակել մարդասիրության շղթան աշխարհով մեկ:

«Ավրորա» մարդասիրական նախաձեռնությունը գործով արտահայտված երախտագիտություն է: Այն նպատակ ունի ութ տարի շարունակ (2015-2023թթ.՝ ի հիշատակ ութ տարի տևած Հայոց ցեղասպանության՝1915-1923 թթ.) աջակցել մարդկանց, որոնք, վտանգելով իրենց կյանքը, կնպաստեն այնպիսի նախագծերի իրագործմանը, որոնք կբարելավեն առավել կարիքավոր և աղքատ մարդկանց կենցաղը:

Русская версия

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала