Կինը պատմել է` ինչպես է մահացած երեխային փաթաթել տոպրակով ու թողել խոտերի մեջ

© LOIC VENANCE / AFPНоворожденный
Новорожденный - Sputnik Արմենիա
Բաժանորդագրվեք
Ոստիկանները հայտնաբերել են նորածնի դին փողոցում թողած կնոջը, որը մանրամասներ է ներկայացրել այն մասին, թե ինչպես է իրենց զուգարանում ծննդաբերել երեխային, իսկ հետո փաթաթել տոպրակով, տարել անտառ ու թողել այնտեղ։

ԵՐԵՎԱՆ, 23 մայիսի — Sputnik. Ոստիկանության ծառայողների ձեռնարկած միջոցառումների արդյունքում՝ մայիսի 23-ին ոստիկանության Հրազդանի բաժին բերման է ենթարկվել Հրազդան քաղաքի բնակչուհի, 1977 թ. ծնված Լ. Մ.-ն: Այս մասին հայտնում է ոստիկանության մամուլի ծառայությունը։

Նա խոստովանել է, որ 2017 թվականի մայիսի 11-ի առավոտյան իրենց բնակարանի զուգարանում, առանց բժշկական միջամտության, ծննդաբերել է արական սեռի երեխա, որը ճիչ արձակելուց հետո մահացել է: Նույն օրը նա նորածնի դին պոլիէթիլենային տոպրակով փաթեթավորել և դրել է թղթե արկղի մեջ, որից հետո այն տեղափոխել է Հրազդան քաղաքի Շահումյան փողոցին հարակից անտառային կանաչապատ տարածք ու դնելով խոտերի մեջ՝ հեռացել է:

Լ. Մ.-ն ներկայացվել է ՀՀ ՔԿ Կոտայքի մարգային քննչական վարչություն:

Նշենք, որ մայիսի 15-ին, ժամը 15:10-ի սահմաններում, Հրազդան քաղաքի Շահումյան փողոցի 10 հասցեում գտնվող գազիֆիկացման և գազամատակարարման մասնաճյուղի դիմաց, կանաչապատ հատվածում, թղթե արկղի մեջ, պոլիէթիլենային տոպրակով փաթեթավորված, հայտնաբերվել է նորածին երեխայի դի:

Դեպքի առթիվ ՀՀ ՔԿ Կոտայքի մարգային քննչական վարչությունում նախապատրաստվել են նյութեր:

Նշանակվել է դատաբժշկական փորձաքննություն:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала