ԵՐԵՎԱՆ, 24 մայիսի — Sputnik. Իսպանիայի Գերագույն դատարանը «Բարսելոնայի» հարձակվող Լիոնել Մեսսիի գործով վճիռ է կայացրել, որով նրան դատապարտել են 21 ամսվա ազատազրկման: Այս մասին տեղեկացնում է «Football Espana»։
Ֆուտբոլիստը և նրա հայրը դատարանի առջև էին կանգնել 2016 թվականի հունիսին 2007-ից 2009 թվականների ընթացքում 4.1 միլիոն եվրոյի չափով հարկերից խուսափելու մեղադրանքով:
Արգենտինացին 21 ամսվա ազատազրկման է դատապարտվել, բայց պատիժը չի կրի անազատության մեջ:
Իսպանիայում դատավճիռը, որը չի ներառում 2 տարվա ազատազրկում, թույլ է տալիս անազատության մեջ չգտնվել:
