ԵՐԵՎԱՆ, 25 մայիսի — Sputnik. Մայիսի 25-26-ը, 28-ին հիմնականում հյուսիսային շրջաններում, 27-ի, 29-ի երեկոյան ժամերին շրջանների զգալի մասում սպասվում է անձրև և ամպրոպ, ամպրոպի ժամանակ սպասվում է քամու ուժգնացում` 20-25 մ/վ, առանձին վայրերում հնարավոր է կարկուտ:
Քամին` հարավ-արևմտյան՝ 3-8 մ/վ: Օդի ջերմաստիճանը 25-28-ն աստիճանաբար կբարձրանա 3-4 աստիճանով, տեղեկացնում է արտակարգ իրավիճակների նախարարությունը:
Երևանում մայիսի 25-26-ի, 28-ի երեկոյան ժամերին սպասվում է ամպրոպ, առանձին հատվածներում կա կարճատև անձրևի հավանականություն, 27-ի, 29-ի երեկոյան ժամերին սպասվում է անձրև և ամպրոպ, ամպրոպի ժամանակ՝ քամու ուժգնացում` 18-23 մ/վ արագությամբ:
Մայրաքաղաքում ցերեկը կլինի 24-26, իսկ երեկոյան՝ 20-22 աստիճան ջերմություն։
Երևանի մայիսի 25-ի բազմամյա կլիմայական տվյալներ.
• Օդի առավելագույն ջերմաստիճան` 33.20C (1989 թ.),
• Օդի նվազագույն ջերմաստիճան` 3.90C (2001 թ.),
• Օդի միջին օրական ջերմաստիճան` 18.70C։
