ԵՐԵՎԱՆ, 26 մայիսի — Sputnik. Հալեպը, որը սիրիական բանակն ազատեց իսլամական ահաբեկիչներից, աստիճանաբար վերածնվում է։ Քաղաք են վերադառնում նախկին բնակիչները, պատմում է Առաջին ալիքի թղթակից Կլիմ Սանատկինը։
Ռուս լրագրողները պատմում են, մասնավորապես, հայերի մասին, որոնք լքել են քաղաքը ռազմական գործողությունների ժամանակ և վերադարձել հայրենի օջախ։
Փախստականներից մեկը Լյուսի Կարակոզյանն է, որը պատերազմող Հալեպից մեկնել է Գերմանիա։
«Գերմանիայում դժվար էր։ Բարդ էր աշխատանք գտնելը։ Մենք օտար ենք այնտեղ։ Ոչ մի բան չի փոխարինի հարազատ քաղաքը։ Մենք երջանիկ ենք, որ կրկին վերադարձել ենք։ Սակայն, գիտեք, մարմինս փշաքաղվում է, երբ տեսնում ես, թե ինչի են վերածել քաղաքն ահաբեկիչները»,- պատմեց նա։
Հալեպի մեկ այլ բնակչի` Հայաստանից Աննուշկա Առաքելյանը, որը 20 տարի ապրել է Սիրիայում, ստիպված է ապրել ընկերների մոտ. նրանց տունն ավերվել են զինյալները։
«Մենք շատ ուրախ ենք, որ քաղաքը տեսնում ենք այնպիսին, ինչպես նախկինում էր»,- Առաջին ալիքի թղթակցի հետ զրույցում խոստովանել է նա։
Այսօր Հալեպի իշխանությունը էքսկուրսիաներ է կազմակերպում քաղաքի ավերված թաղամասերով։
