ԵՐԵՎԱՆ, 26 մայիսի — Sputnik. Facebook սոցցանցի հիմնադիր Մարկ Ցուկերբերգը գիտական կոչում է ստացել Հարվարդի համալսարանն ավարտելուց 12 տարի անց: Նա այս մասին հայտնել է Ինստագրամի և ֆեյսբուքի իր էջերում:
«Մամ, միշտ ասում էի քեզ, որ կվերադառնամ և կստանամ իմ աստիճանը», — գրել է Ցուկերբերգը` կից հրապարակելով ավարտական լուսանկարը:
Հարվարդի համալսարանի կայքում նշված է, որ Ցուկերբերգն իրավագիտության դոկտոր է դարձել:
Նա Հարվարդ էր ընդունվել 2002 թվականին, իսկ 2004-ին ընկերների հետ գործարկել էր Facebook սոցիալական ցանցը։ Երկրորդ կուրսն ավարտելուց հետո Ցուկերբերգը հեռացել էր համալսարանից, որպեսզի կենտրոնանա սոցցանցի զարգացման վրա:
