Sputnik Արմենիայի հետ կարճ զրույցում մեծ շանսոնյեն ասաց, որ իրեն լավ է զգում, իսկ հետագա հարցերին դժվարացավ պատասխանել` պատճառաբանելով, որ դժվարությամբ է լսում։ Իրեն բնորոշ կեսկատակ-կեսլուրջ արտահայտությամբ նշեց. «Գուցե թվա, որ մի քիչ էլ տարօրինակ եմ քայլում»։
«Լա Բոհեմ» բալետային ներկայացումը բեմադրել է ՀՀ ժողովրդական արտիստ Ռուդոլֆ Խառատյանը։
Նա լրագրողներին տեղեկացրեց, որ բեմադրության համար նախատեսված էր 12 երգ, որոնք բոլորն էլ առանձնացրել է Շառլ Ազնավուրը։ Նրա խոսքով` սա պատասխանատու գործ է և նվիրված է շանսոնյեին։
«Երբ ես ծնվել եմ, Շառլ կար, նրա երգերը կային, ու դա հրաշք էր։ Նրա երգերը ճեղքում էին ժամանակը և դրվում էին ժամանակից դուրս»,- ասաց բալետմայստերը։
Նա հույս հայտնեց, որ աշնանը կմեկնարկի նաև բալետային երկրորդ կտորը։ Այս ներկայացումը տևեց 40 րոպե և ենթադրում է շարունակություն։
